Wildlife guard-te'n thla nga hlawh an la tawh lo - NTUM

National Trade Union of Mizoram (NTUM) chuan thuchhuah siamin, Environment Forest & Climate Change department hnuaia sanctuary leh national park-a thawk wildlife guard-te'n kumin April aṭangin hlawh an lak tawh loh thu an tarlang.

NTUM chuan, kumin March thlaa Assembly budget session-ah EFCC minister Lalthansanga'n wildlife guard-te'n thla tin hlawh an lak theih tawh tur thu a sawi tih sawiin, lawmawm an tih thu an tarlang a, "Chutihrualin, tun thlengin national park-a thawk mek wildlife guard-te regular taka hlawh pek a la nih loh avang leh, chhungkaw enkawltu ber an nih bawk avangin regular taka hlawh an lak thuai theih nan Mizoram sorkar kan ngen a ni," an ti.