Hnahthialah Literacy Week Rally

Hnahthial SDEO Office chuan nimin khan Understanding of Lifelong Learning for All in Society (ULLAS) hnuaiah 'Empowering every citizen through education' tih thupui hmangin Literacy Week Rally an buatsaih a; SDEO S Lalthanzuala kaihhruaiin zirlaite'n Hnahthial Middle School aṭanga Hnahthial High School bul thleng kawng an zawh.

S Lalthanzuala chuan, tun ṭuma ULLAS thupui chu 'Zirna hmanga mi zawng zawng chawi kan' tih a nih thu sawiin, "Mizoramah ziak leh chhiar thiam 100% kan nei kan tih laiin, a nihna takah chuan 98.2% kan ni a, 95% kan kai vanga 100% anga puan kan ni," a ti. Ziak leh chhiar thiam lo an la awm nual thu sawiin, nu leh pa, pi leh pute zingah ziak leh chhiar thiam lo an la awm a nih chuan ULLAS hnuaiah ziak leh chhiar an thiam theih nan sorkarin hmalakna tam tak a nei tih hrilh turin zirlaite a chah a ni.