Deputy Chief Minister hoin MLP Rules zir chian a ni dawn

Mizoram sorkar chuan Mizoram Liquor Prohibition (MLP) Rules zir chiangtu tur committee a din dawn a, committee chu deputy chief minister Tawnluia'n a kaihruai ang.

Vanglaini thu dawn danin, MLP Rules zir chiang tur committee-ah hian Excise & Narcotics minister Dr K Beichhua chu vice chairman a ni dawn a; member-te chu School Education minister Lalchhandama Ralte, IPR minister Lalruatkima leh Law & Judicial minister TJ Lalnuntluanga te an ni.

MLP Rules zir chiang turte hi a ṭul angin Mizoram Kohhran Hruaitute Committee, Central YMA, MHIP leh MUP aiawhte sáwm tura tih an ni a; nimin thleng khan an la ṭhukhawm lo.

Tarlan tawh angin, Council of Ministers chuan a ṭum hnihna atana MLP Rules duan chu an thlirho a, zir chian leh ṭha an ti a, a zir chiang tur an ruat a ni.