PWD Minister-in kawng bal a enfiah

PWD minister Vanlalhlana chuan nimin khan Buarpui leh Rawpuichhip inkar kawng bal a hmunah a enfiah.

Buarpui-Rawpuichhip kawng hi August 30, 2025 zan khan Darlung khaw chhungah a bâl a; PWD Minister chuan nimina a enfiahnaah hian, kawng pawimawh a nih avangin a rang thei ang bera siam a nih theih dan tur PWD department hotute nen an sawiho tawh thu leh, ṭha tak leh rang taka siam a nih tur thu khawtlang hruaitute a hrilh.

Vanlalhlana chuan, kawng bal lai chu lirthei tê kal tlang theih tura khawtlangin an lo siam avangin Darlung VC chungah a lawm thu a sawi a; August 14, 2025 zanah Aibawk leh Darlung inkar kawng, Tlawng lui chhaka chim pawh a hêlna kawng thar sial tura hmalak mek a nih thu a sawi bawk.