Advertisement sût chhan zawt

Mizo Students' Union (MSU) Gen. Hqrs hruaitute chuan September 4, Ningani tlai khan Commerce &

Industries minister F Rodingliana an hmu a; CI department-a promotion officer post pali ruak hnawh khahna tur advertisement August 5, 2025-a tihchhuah tawh sût (cancel) a nih chhan an zawt.

F Rodingliana chuan, exam syllabus siamṭhat ngai a awm avang leh hna ruangám tihdanglam ngai a awm avangin advertisement sût a nih thu sawiin, a rang thei ang berin advertisement chhuah leh a nih theih nan hmalak a nih tur thu a lo hrilh. MSU hruaitute hian post ruak a rang thei ang bera hnawhkhah a nih theihnan hma la turin minister hi an ngen a ni.