FCAA 2023 dodalna atan kawngzawh/bandh huaihawt tum

Joint Civil Society of Mizoram (JCM) chuan Forest (Conservation) Amendment Act, 2023 (FCAA) dodal nan kawngzawh emaw, bandh emaw huaihawt an tum.

JCM hian September 6, 2025 khan Aijal Club-ah inrawnkhawm an buatsaih a; YMA, MHIP, MPCC, MNF, PC, Mizoram Transformation Movement (MTM), CESJ, Mizoram First, CATAJ, ZORO leh Mizorama environment lam buaipuitu pawl 12 an tel niin an sawi.

JCM hruaitute tarlan danin, Mizoram Legislative Assembly-in FCAA a pawm chu ram leh hnam tana him lo leh ṭha lo nia an ngaih avangin, Assembly-in a pawm tawh chu sût leh a nih theih nan a ṭul anga Assembly session ko ngei turin sorkar an phût.

FCAA pawm tawhna sut a nih theih nan hmalak dan tur an duang a; citizen's rally/kawngzawh/bandh huaihawt ni se, an ti a, a hun erawh an tarlang lo. Online leh offline signature campaign buatsaih leh, Mizo mipui hrilhfiaha khaw hrang hranga vantlang inkhawm buatsaih an rel bawk.