Eye camp-ah mit 109 zai

National Health Mission hnuaia National Programme for Control of Blindness and Visual Impairment (NPCBVI) chuan September 2-5, 2025 chhung khan Chawngte damdawi-in (community health centre)-ah Eye Camp an buatsaih a, mit 109 an zai.

Eye Camp nei tur hian NPCBVI aṭangin state programme officer Dr Lalnuntluangi Khiangte hoin mi pariat an kal a, Aizawl Civil Hospital-a eye surgeon Dr Zosangzuala, nursing officer, ophtha­l­mic assistant leh driver-te an tel. Ni khatnaah mit 30 zai a ni a, ni hnihnaah mit 29, ni thumnaah mit 28 leh ni linaah mit 22 zai a ni.