CM-in Ziro Valley a tlawh
Chief minister Lalduhoma chuan September 5, 2025 khan Arunachal Pradesh Agriculture & Allied minister Gabriel D Wangsu sâwm angin Subansiri district-a Ziro Valley Resorts a tlawh. Chief Minister hi Ziro bialtu MLA Hage Appa leh sorkar official-te'n an lo dawngsawng.
CM Lalduhoma hi Ziro Valley-a sorkar hmalaknate - Aqua Park Tarin, Naara Aba Winery, Siikhe-a kiwi hmun leh Seeh Lake te bakah, sorkar hmunhma dangte an fanpui a, hmalakna hrang hrangte an sawipui. MLA Hage Appa chuan CM Lalduhoma pualin cultural programme leh zanriah a buatsaih bawk.