CM-in fresher social a hmanpui

Chief minister Lalduhoma chuan September 7, Pathianni khan New Delhi-a St. Xaviers Sr. Secondary Millenium Hall-ah Northeast Catholic Community of Delhi (NECCOD) fresher social vawi 33-na a hmanpui a; Ministry of Finance joint secretary Lucas L Kamsuan chu khaulzahawm a ni.

Lalduhoma chuan, Catholic kohhran chu India rama zirna, hriselna leh miharsate chhawmdawlna lama langsar taka rawngbawl ṭhin an nih thu a sawi a, "Mizoramah pawh rawngbawlna ropui tak tak an kalpui nasa hle. Zoram Entu Pawl chu ṭanpui ngaite ṭanpuitu kan neih langsar an ni a, Aizawla sorkar high school ni lo zinga high school hmasa ber St. Pauls High School dintu niin, kum 1953-ah an din a, vawiin thlenga Mizorama high school ṭha bera ngaih ni thei khawpin an kalpui," a ti.

Chief Minister hi Lok Sabha MP Richard Vanlalhmangaiha leh minister Dr Vanlalthlante'n an ṭawiawm a; NECCOD president BK Angam pawhin thu a sawi bawk.