Tuitla ruang hmuh a ni

September 7, Pathianni tlaia Tuirial luia tla Zosangzuali (26) d/o Lalhmasawna, Zemabawk North ruang chu nimin khan hmuh a ni.

Zosangzuali hi a chhungte leh a ṭhiante nen inchiah dai turin Tuirialah hian an kal a, hei hi chesualin a tla zui a ni. Chetsual thu hriat a nih velah Zemabawk North, Zemabawk leh Tuirial aṭangin ruang zawn hna an thawk nghal a, zanah an riah chilh.

Nimin lamah ruang zawn hna hi thawk chhunzawm lehin, chawhma dar 11:30 velah a tlakna aṭanga km 5 velah a ruang hmuh a ni a, Tuirialah a thlahna hun hman a nih hnuah an chenna in panpui a ni.