KHAWTHLIR

Hawn phal lo

Aizawl Municipal Corporation (AMC) chuan thuchhuah siamin, Prime Minister-in Aizawl a rawn tlawh dawn avanga Chief Secretary hoa August 30, 2025 meeting-in Prime Minister-in a zawh tur Ṭhuampui Helipad aṭanga Lammual inkar kawngpui (via Chaltlang leh Ramhlun) dunga dawr, private office leh kawng sira thil zawrhna zawng zawngte chu September13, 2025 (Inrinni) chawhma lam dar 12:00 Noon thleng emaw, Prime Minister a kir leh hma emaw chuan hawn phal a nih dawn loh thu an tarlang.

A thlawnin ran entir

Animal Husbandry and Vety department leh College of Veterinary Sciences & Animal Husbandry, Selesih ṭangkawp chuan nimin khan Zawlbuk, Keifang Venhlunah a thlawna ran inentirna 'Animal Health Camp' an buatsaih a, Saitual bawrhsap Dr Lalngura Tlau-in a hmanpui. Camp-ah hian arte leh ar chaw, ran vulhtu mi 15 hnenah sem niin, bio-fertilizer kuthnathawktu mi panga (5) hnenah pek a ni bawk. Ran entir hi 206 niin a thlawnin damdawi pek nghal an ni.

Phone pe let

Vaivakawn Police-te chuan nimin khan mobile phone bo report an dawn zinga an hmuhlet sak 39 chu mobile phone neitute hnenah an pe let.

Drone khap

Aizawl DC chuan thupek chhuahin, Prime Minister-in September 13, 2025-a Sairang-Bairabi Railway Line Project Lammual aṭanga a hawn tur chungchangah thuchhuah siamin, "Programme hi tluang taka hman a nih theih nan leh venhimna ṭha taka kalpui a nih theih nan Aizawl district huamchhungah remote control hmang drone/ aerial camera emaw hetiang lam chi reng reng, he thupek chhuah a nih aṭanga ni 15.9.2025 thleng, mi tumah in an hmang/thlawh tir tur a ni lo," a ti a, thupek zawm lote chu kahthlak sak an nih bakah, dan anga hrem an nih tur thu a tarlang.