Zirna chungchanga hmalakna sawiho

Lunglei DC Navneet Mann hoin a pisaah Lunglei DC hmalaknaa Lunglei district leh Lungsen Aspirational Block-a cosmic class leh zirna tihhmasawnna tura hma lakna hrang hrang hawnna hun hman dan tur thlirho a ni.

Lunglei DC hmlaknain, Lunglei district leh Lungsen Aspirational Block huam chhunga zirna tihhmasawn nan – cosmic class (Mizoram zirna ina vansang chanchin zirna hmun bik (astronomy lab) hmasa ber] te, learning bridges ( laklawha zirna bansan (dropout)-te’n zirna an chhunzawm leh theihna tura hmalakna) te, Book Nest Initiative (thingtlang zirlaite tana zirlaibu leh thawnthubu hlui khawn khawm) te, English Language Foundation (primary sikul thlan bika zirlaite tana English bulṭhut zirna) te, period pride (hmeichhe zirlai naupangte zinga hmeichhe hun bi kaihhnawih hriselna leh thianghlimna (menstrual health & hygiene) atana hma lakna) leh money wise (sum hman leh enkawl dan inzirtirna (financial literacy) te chu department leh agency hrang hrangte nen ṭang hova kalpui turin ruahman a ni.

He’ng hma lakna hrang hrang hi September 10, 2025 khian School Education minister Dr Vanlalthlana hovin a hawnna hun hman tum niin, chumi atana inpuahchahna leh ruahmanna hrang hrangte chu he ṭhutkhawmah hian thlirho a ni.