IIHR Innovative Farmer Award dawng

C Lalchawimawia, Rabung chuan technololgy thehdarh kawngah leh midang tihhmuh kawngah a tih ṭhat avangin nimin khan Indian Institute of Horticultural Research (IIHR) aṭangin 'IIHR Innovative Farmer Award, 2025' a dawng.

Nimin khan ICAR-Indian Institute of Horticultural Research, Bengaluru-a Dr GS Randhawa Auditorium-ah kut hnathawktu ṭhate chawimawina sem a ni a; hmarchhak state aṭangin IIHR Innovative Farmer Award dawng tur mi pahnih thlan niin, C Lalchawimawia hi Khawzawl district aṭanga IIHR Innovative Farmer Award dawng thei palina a ni.

C Lalchawimawia hian Tomato Arka Abhed variety chu off-season (Kharif)-ah Rabunga ram hectare 0.6-a zauah a chíng a, Rs 7,50,000 man a hralh. A hlawhtlin avangin mi tam zawkin tomato chíng turin hma an la ve mek.

ICAR-Indian Institute of Horticultural Research hian KVK Khawzawl kaltlangin tomato chi an pe chhuak ṭhin a; kum 2025 kal mekah KVK Khawzawl hian tomato chi kg 12 an sem tawh a, a chìn dan leh enkawl dan an zirtir ṭhin bawk.