CM hoin PM lo zin tur thlir

Chief minister Lalduhoma kaihhruaiin nimin khan CMO conference hall-ah September 13, 2025-a Aizawla lehlânga lo zin tur Prime Minister hmuah dan tur leh Lammuala vantlang inkhawm buatsaih dan turte thlirho a ni.

Ṭhutkhawma tarlan danin, Prime Minister hian September 13 khian Lammual aṭangin Bairabi - Sairang rel kawng a hawng dawn a; rêl service thar pathum, Aizawl-Delhi Rajdhani Service (Anand Vihar Terminal), Aizawl-Kolkata Express leh Aizawl-Guwahati Express-te a vailiam nghal ang.

Prime Minister hian zirna-in (institution) thar pahnih a hawng dawn a, hmalakna thar paruk lungphùm a phúm dawn bawk a ni.