Saipum rama ramsa thi phûm

Tun hnai khan ramkalte'n Saipum ram chhung, Tuirial Hydel Project huam chhungah sanghal paruk leh tangkáwng pakhat thi an hmu a; honorary wildlife warden H Vanlalnghaka'n AH&Vety department leh Environment, Forest & Climate Change department mite a hriattir a, department mite nimin khan a hmunah an kal a, an phûm.

Thu dawn danin, sanghal thite September 6, 2025 khan kawng bul maiah hmuh a ni a, a nu puitling pahnih leh a pakhat bakah, a no pathum a ni. Sanghal taksaah hliam hmuh a ni lo a, an thih chhan leh thih hun hriat a ni lo. Sanghal ruang hmuhna thlang lamah chakai meichher chhitte'n September 6, 2025 zan khan tangkáwng thi an hmu bawk.

Nimina Honorary Wildlife Warden hoa ramsa ruangte hlâwm tura an kal chuan an ruhro bak hmuh tur a awm tawh lo a, chinai nen sâwngbâwlin phûm nghal a ni.