Neihloh khaw thar tur thlirho

Chief minister Lalduhoma hoin nimin khan sorkar hotute leh Neihloh khawtlang hruaitute'n Neihloh khaw thar tura duan (proposed plan) an thlirho a; khaw thar tur hmun chu a rang lama sâm fai a, bul ṭan theih chi apiangah hmalak ṭan an rel.

Sorkar thuchhuah tarlan danin, Serchhip district-a Neihloh khaw ṭhuthmun chu khuarel chhiatna thleng thei lakah a him tawh lo a, kumin fûr pawh an tuar nasa. An dinhmun a him loh avangin khawtlangin an khaw ram chhung, tuna an khaw ṭhuthmun thlen hma deuhah khaw thar kài an duh a; sorkar aṭanga hmasawnna hnathawhna tur sum an hmuhte pawh khaw thar atan an dah deuh zel tawh a ni.

Neihloh khaw thar tur hi chenna in 108 leh sorkar hmunhma pawimawh eng emaw zat awm theihna tura duan a ni.