CSS-a thawkte'n lungawi lohna lantir chhunzawm dawn

All Mizoram CSS Employees Coordination Committee (AMCECC) thuchhuah siamin, sorkar laka an lungawi lohna lantira ni thum chhung a huhoa chawlh (mass casual leave) an lakin awmzia a neih loh avangin, September 16, 2025 aṭangin sit-in demon-stration an neih dawn thu an tarlang.

AMCECC chuan, an hmalak zel dan tur uluk taka an rêl thu tarlangin, "Sorkar aṭanga thu lawmawm kan la hriat loh avangin September 16, 2025 aṭangin Gen Hqrs leh sub-headqiarters zawng zawngah sit-in demonstration ṭan tur a ni a, member zawng zawng tel vek turin kan inngenin kan inhriattir a ni," an ti.

AMCECC hian sub-headquarters hrang hrang hruaitute chu sit-in demonstration neih dan turah ruahmanna siam turin an chah a; sorkar aṭanga thu lawmawm an dawn hma chu lungawi lohna lantir an chhunzawm zel tur thu an tarlang.