Thingfalah biak-in a chim

Nimin chawhma dar 11 vel khan Thingfal Mamte Venga Baptist Church of Mizoram (BCM) kohhran biak-in a chim.

BCM, Mamte Kohhran hruaitute hnen aṭanga thu dawn danin, an biak-in hi a thlanga national highway (NH) laih mek avangin a chê a ni. Gospel camping buatsaih tura an inpuahchah mek avangin nimin khan an hnatlang a; an hnatlan lai hian biak-in chu a him lo tih an hriat avangin bungrua eng emaw zat chu biak in chim hmain an thiar chhuak hman.

Mamte Kohhran hruaitute chuan, an biak-in thlanga NH laih avang hian an kohhran chu zangnadawmna pek an nih tur thu sawi ni ṭhin mah se, tun thlengin pek an la ni lo tih an sawi.