Minister-in IPRO leh MJA a kâwm

Information and Public Relations, Printing and Stationery (IPRPS) minister Dr Vanlalthlana chuan nimin khan Lunglei district MJA member-te leh IPR pisaa thawkte Lunglei Circuit House-ah thingpui a inpui a, thil chi hrang hrang an sawiho.

Dr Vanlalthlana chuan, IPRPS department tichangtlung turin ruahmanna hrang hrang siam a nih thu a sawi a; sum mamawh dil leh ngaihtuah a nih dan te, thawktu indaih lohna phuhru tura thawktu lak belh leh hmanraw mamawh hrang hrang lei belh tura hmalak a nih dante a tarlang.

Lunglei IPRO C Lalhruaitluanga'n Lungleia IPR office tihchangtlunna tur leh mamawh an neihte Minister hnenah hian a thlen a; Lunglei District MJA president H Lalthansanga'n thu a sawi bawk.