'She-Box' portal zirhona buatsaih a ni

Women & Child Development department hnuaia Hub for Empowerment of Women chuan nimin khan WCD conference hall-ah hmeichhiate’n an hnathawhna hmunah an thawhpuite lak aṭanga khuaikhem leh an zahawmna tibawrhbâng thei chi hrang hrang an tawha online hmanga complaint an thehluh theihna tura duan 'She-Box portal' zirhona buatsaih a ni

Zirhonaah hian sorkar hnuaia secretariat/directorate leh zirna-in bakah mimal din hnathawhna hmun hrang hrang hotute an tel a; She-Box Onboarding tihsak nghal an ni. WCD mithiamte’n complaint a luha portal-a thun dan tur an zirtir bakah, hriattur pawimawhte an hrilhfiah.

SHE-BOX PORTAL

* Sorkar leh mimal (private) hnuaia thawkte’n an hman ṭangkai theih tura duan a ni.

* Mimal/company/sorkar hnuaia thawktu mi 10 emaw, a aia tam emaw awmna chinah internal complaint committee (ICC) din tur a ni.

* ICC din lohna hmuna chhaih nawmnah/khuaikhem tawkte chuan DC-in a din local complaint committee-ah complaint a theh luh theih.

* Hnathawktu mi 10 emaw, a aia tam emaw awmna hmunah ICC din a nih loh chuan Sexual Harassment of Women at Workplace (Prevention, Prohibition and Redressal) Act, 2013 (PoSH Act) hnuaiah Rs 50,000 thleng chawitir theih a ni.

* Pawisa chawitir hnu pawha an la din loh fo a, an din lo tih hriat chhuah a nih chuan hremna hi a lêt hniha tihpun theih a ni.

* Sum lama hremna piah lamah dan zawm lohna kal zel hian sumdawnna license emaw, registration emaw tihtawp thlengin a nghawng thei.