SSU-in Chief Minister an hmu

Students’ Self-Support Union (SSU) Gen. Hqrs hruaitute chuan nimin khan chief minister Lalduhoma a pisaah an hmu a; an ngaih pawimawhte an thlen bakah, CM's Relief Fund-ah Rs 5,000 an chhûng lut.

SSU hruaitute hian zirlaite'n an zirnaa an intodelh theih nan leh ramin hma a sawn theih nan darkar bia inhlawh theih dan tur sorkar ruahmanna se an duh thu an thlen. The Mizoram Prohibition of Beggary Bill 2025 chungchang te, sorkarin thlai a leiah loneitute an hlâwk leh zual theih nan rate siamah uluk zawka thliar ṭha an tih thu te, sorkar sikulte'n hma an sawn theih nan sikul ṭha thlan ṭha an tih thute an thlen bawk.