UPSC Grooming Scheme Entrance Examination

Mizoram Board of School Education chuan nimin khan an conference hall-ah UPSC Grooming Scheme Entrance Examination an buatsaih a, Mizorama buatsaih vawi khatna a ni. 

Entrance Examination hi UPSC exam hrang hranga Mizo tam zawk an tlin theihna tura Mizoram sorkar hmalakna a ni a; MBSE HSLC 2025-a mark 405 (full mark 500-ah) hmu chin tan hmachhawn theih niin, zirlai 165 an inlan. Personal interview turin mi 50 koh an ni dawn a, interview aṭangin mi 10 thlan chhuah leh an ni ang a, pawl 11 leh 12 an zir chhung zawngin coaching neihpui an ni dawn a ni.