Luangmualah nupa inkâp palh

K Thangrimawii (63), Luangmual, Aizawl chu nimin khan a pasal William Vanlalhruaia'n silaiin a kâp palh a, a hliam tuar loin a thi.

Luangmual Branch YMA hruaitute hnen aṭanga Vanglaini thu dawn danin, William Vanlalhruaia hian an kawmchhak lamah kawngkhar hawngin, bangah target siamin silai a kâp ṭhin a; nimina silai lai a kah chuan kawngkhar bula a nupui rawn awm chu a fuh a ni.

K Thangrimawii hi damdawi in panpui nghal ni mah se chhan thei a ni lo a, tlai dar 3:30 khan a hliam tuar loin a thi a ni.