Saihaah Kisan Mela buatsaih

Nimin khan MYA Hall, New Saiha-ah Krishi Vigyan Kendra (KVK), Saiha chuan Kisan Mela cum Exhibition an buatsaih. Agriculture, Horticulture, Sericulture, AH&Vety leh Fisheries department-te bakah kut hnathawktu pawl hrang hrangte'n an hmalaknate leh thar chhuahte an pho chhuak a ni.

Kisan Mela-cum-Exibition-ah hian lawmman siam a ni a; pakhatna Florist Association-in Rs. 5,000, pahnihna Mara Mango Growers Association-in Rs. 3,000 leh pathumna All Mizoram Farmers Union, Saiha-in Rs. 2,000 an dawng. Pawl panga hnenah consolation prize Rs. 1,000 ṭheuh pek a ni bawk.