HPC(D) mite Court-ah inlan

16th July, 2015

Mizoram police-in April 16, 2015-a Silchar-a HPC(D) mi pathum an mante chu nimin khan Court-ah an inlan leh a, tih tur ṭulte an tih zawhah ni 14 hnua Court-a inlan leh tura tih an ni.

Nimina Court-a inlante hi HPC(D) army chief Lalropuia Famhoite, finance secretary Norbar Sanate leh Ngurthlantluanga Sanate te an ni a; thubuai eng emaw zat an nei a, chung zingah chuan mi vau thubuai leh mi pawisa chhuh luih thubuaite a tel.

Lalropuia Famhoite hian Mizorama police station hrang hrangah thubuai 80 chuang a nei a, chung zinga a zatve vel chu police-te'n Court-ah chargesheet an thehlut tawh a ni.