UPC (NEI) hruaitute an inthlak

UPC (North East India) general superintendent thar, Rev. Lalmalsawma Sailo chuan nimin khan Rev. VL Dika Sailo hnen aṭangin mawhphurhna a la. Rev. VL Dika Sailo hi July 7, 2015 -ah pension-a a chhuah avangin June 25, 2015-a UPC General Executive Board meeting chuan a thlaktu turin Rev. Lalmalsawma Sailo a ruat a ni.

Rev. Lalmalsawma Sailo-in a kalsan tak general secretary mawhphurhna chu Rev. R Lalrinsanga hnenah a hlan a; Rev. R Lalrinsanga'n a kalsan tak general treasurer mawhphurhna chu Rev. Zohmingthanzama hnenah a hlan. General Missions director thar Rev. R Lalhawia chuan Rev. Zohmingthanzama a thlak bawk.