ILP sponsor chungchang sawifiah

Home department chuan thuchhuah siamin, Mizorama lut tur hnam dangte'n Inner Line Permit (ILP) an neih theihna atana sponsor tura thil ṭul hrang hrangte a tarlang.

Home department tarlan danin, ILP atana mi sponsor tur hian kum 18 chin chunglam nih a ngai a, Inner Line Regulation leh permit-in sponsor-tute mawhphurhna a siam hre chiang tak an ni tur a ni.

Mi pakhatin mi 10 aia tam a sponsor thei lo. Temporary/Permanent Trade Licence permit neitute - company public/private sector undertaking/proprietor, non-CSD canteen, central state, force/battalion-a mite'n mi panga zel an sponsor thei thung.

Public emaw private sector undertaking/firm leh company-a valid ILP nei, head of department/office (Central leh State)-te chuan inhlawhfa hnam dang mi 100 aia tam lo an sponsor thei a; mahse, Mizoram sorkar department-in an mamawh vanga lo lutte chauh an ni tur a ni.

ILP sponsor-tute'n an sponsor-te an ûksâk zui loh chuan sum chawitir leh ILP cancel thleng­a hrem theih an ni tih sawiin Home department chuan, "Sponsor zawng zawngte chuan ILP leh an sponsor copy-te a thih aṭanga ni sarih chhungin an awmna DC-ah an thehlut tur a ni. An tih loh chuan kum hnih chhung an sponsor thei tawh loh bakah, mi pakhat zelah Rs. 1,000 zel an chawi tur a ni," a ti.