Buhfai man hralh dawn
Nikum October thlaa Kolasib kudam aṭanga buhfai ip 170, quintal 70 phurh chhuah, Kolasib District MJA-te'n an mansak chu Kolasib Chief Judicial Magistrate thu angin vawiin hian hralh a ni dawn.
Thu dawn danin, buhfai ip 140-te hi MJA-te'n Kawnpui dáia an man hnuah, police-in an la chhawng a, Kawnpui Police Station malkhana-ah dah zui a ni. Kolasib CJM thutlukna angin, vawiin hian Kolasib DCSO-in a hralh chhuak dawn a, a duh apiang tan lei theih a ni ang.
Tarlan tawh angin, 909 truck, MZ-05 9591 hmangin October 8, 2014 zana Kolasib Supply kudam aṭanga buhfai ip 140 phurhtu chu Kolasib leh Kawnpuia thuthar thehdarhtute'n an man a, Kawnpui PS-ah FIR an thehlut.
He thilah hian Kolasib DCSO PL Zohmingliana chu October 10, 2014-ah suspend a ni a, police-in an man bawk. PL Zohmingliana hi bail-in a chhuak mek a ni.