Saihaah model village sawiho

Palak bialtu MLA Hiphei leh Saiha bialtu MLA, Dr K Beichhua hoin nimin khan Saiha DC conference hall-ah Saansad Adharsh Gram Yojana (SAGY) chungchangah meeting-cum-workshop buatsaih a ni.

Hiphei chuan, model village tan a hranpaa sum dah a awm lo tih sawiin, "Model village hlawh­tlinna chu sorkara head of office-te leh official-te thawhrimna leh impumpeknaah a innghat," a ti a; sorkar department hotu te, SAGY-a official-te leh model village khua mipuite chu thawhhona ṭha tak nei a, inpumpekna leh thawhrimna nena thawk turin a ngen.

Dr K Beichhua pawhin thu sawiin, model village atana thlan khuaa chengte chu model village nihpui zo tura rilru lama an inpuahchah turin a chah a, rinawm leh thawhrimna nena ṭan an lak a ṭul thu a sawi.

Model village atan hian Hiphei chuan Serkawr khua a thlang a, Dr K Beichhua chuan Tuisumpui khua a thlang a ni.