Asapara-ah inenfiahtir awm lo

Tripura-a Asapara Bru camp-a Mizoram mi, Mizorama kîr duhte enfiah hna, Thawhṭannia ṭan chu nimin khan chhunzawm a ni a, mahse a ni hmasa ang bawkin Mizorama kîr duha inenfiahtir an awm lo.

Enfiahna hi Mamit SDC Lal­fakawma Chhakchhuak leh Kolasib SDC Lalhmingliana leh an thawhpuite'n thawkin, chawhma dar 10 aṭanga tlai dar 4 thleng verification centre-ah an ṭhu a; Tripura sorkar aṭangin Kanchanpur deputy collector Anurakshan, Annando Bazar Police Station OC Raj Kumar Jamatia leh SI Bikram Debberma ten an ṭawiawm bawk.