BJP-in puh an nihna an sawifiah

BJP, Mizoram Pradesh chuan thuchhuah siamin, BJP aṭanga hnawhchhuah tawh K Vanlalruati, Tlangnuam, Aizawl intiin January 5, 2021-ah press meet nei a, Mizoram BJP president Vanlalhmuaka leh secretary Lalthangmawii te a puhna chu dâwt a nih thu an tarlang.

Mizoram BJP chuan, BJP-a awm ṭhin K Vanlalruati'n a ngaihruatna leh nia a hriat hmanga BJP hruaitute a bei mai chu mak an tih thu sawiin, "Thu belhchian dâwl lo hmanga inbeihna hi a pawi kan tiin, ama mawng hlîm mai a ni tih mipui hriatah kan sawi duh a ni. Party aṭanga hnawhchhuah ngai hial khawpa a chêtna chu, a hma lam hun thlirpui chungin mualpho taka hnawtchhuak loin,mipui hriata mualpho taka puanzar a nih loh laia kan hruaitute dâwta a bei hi a pawi kan ti hle a ni," an ti.