CYMA-in lawmthu an sawi

Central YMA chuan thuchhuah siamin, kum 2020 Krismas leh kum thar 2021 lawmnate boruak muanawm tak hnuaiah tluang taka hman a nih avangin lawmawm an tih thu an tarlang.

CYMA chuan, "Boruak ṭha kan neih theih nana thawktu hrang hrangte chungah lawmthu kan sawi a, kan thupui, 'YMA chu ṭanpui ngaite ṭanpuitu' a nih ang ngeia nau piang chibai bûkna puala ṭanpuina pe chhuaktu YMA sub-headquarters, group leh branch-te chungah thinlung takin lawmthu kan sawi a ni," an ti.

Hunpui lawm nana hâlpuah, hâlmawi leh meithallawn hmang lo tura ngenna tihlawhtlingtute leh a hlawhtlin theihna tura theihtawp chhuaha hma latu veng/branch-te chungah an lawm thu an tarlang bawk.