CSS hnuaia thawkte'n naktukah Sit-in-demonstration huaihawt dawn

CSS hnuaia thawkte intêl khawmna, All Mizoram CSS Employees Coordination Committee (AMCECC) chuan sorkar laka an lungawi lohna lantirna atan September 16, Thawhlehni hian sit-in-demonstration an huaihawt dawn.

Aizawlah chuan sit-in-demonstration hi MINECO open gym bulah chawhma dar 10:30-ah ṭan tum a ni a, district khawpui leh khaw dangahte pawh huaihawt ve tura hriattir an ni. Sit-in demonstration-in awmzia a neih loh chuan tiamchin awm loa nawrh (indifinite struke) huaihawt an tum.

AMCECC chuan, CSS hnuaia thawk, Aizawl leh a chhehvela awmte chu sit-in-demonstration-ah kim taka tel turin an hriattir a, "Sub-headquarter leh block/village zawng zawngte pawh hmun remchanga sit-in-demonstration nei vek tura hriattir kan ni," an ti.

Sub-headquarter-a kal khawm remchang lo a awm theih tih tarlangin AMCECC chuan, "Hetiang kan awm a nih chuan sub-headquarters remtihna leh beráwn chungin block/village level-ah sit-in-demonstration neih tur a ni," an ti a; sit-in-demonsration an neih dawn avang hian casual leave la turin an inhriattir a ni.

AMCECC chuan, lungawi lohna an lantirnaah tharum thawhna lam hawi reng reng lantir lo tur a nih thu tarlangin, "Kan nawrh chhan ber DPAR Minister hnena representation September 5, 2025 kan thehluh bo ta kha member zawng zawng hriatah pdf file a rawn dah chhuah tur a ni," an ti.