Vawk lakluh khap

Lunglei DC chuan nimin khan thupek a chhuah a; Mizoram chhehvelah vawk natna, PRRS leh CWF a la léng mek tih hriat a nih avang leh African Swine Fever pawh a la hlauhawm avangin Bangladesh, Myanmar, state dang leh district dang aṭanga vawk, vawk sa leh vawk sa aṭanga ei tur siamte lâk luh leh thawn chhuah a khap. 

Lunglei DC chuan vawk thite chu thûk taka phûm tur a nih thu leh vawk hrisel chauh talha hralh tur a nih thu a tarlang bawk. Thupek hi thla hnih chhung atan a ni.