Kuhva rah leh meth man

15th September, 2025

Assam Rifles leh Saitual police-te chuan September 13, Inrinni khan Keifang huam chhungah kuhva rah kg. 8,160 (ip 136) an man. Kuhva rah an man hi truck-in a phur lai a ni a, inhnamhnawiha puh mi pahnih an man nghal bawk.

Assam Rifles-te chuan September 12, 2025 khan Zokhawthar Vawktekaiah methamphetamine mûm 20,200 (kg. 2.372) an man. Meth hi mi pakhatin ipin a ak a, AR sipaite a hmuh veleh a bag tlansanin a tlanchhia niin AR thuchhuah chuan a tarlang. AR sipate hian meth hi Zokhawthar police hnenah an hlan a ni.