MoPNG leh IOCL hotute a kâwm

Food, Civil Supplies & Consumer Affairs (FCSCA) minister B Lalchhanzova chuan prime minister Narendra Modi ṭawiawma rawn kal Ministry of Petroleum & Natural Gas (MoPNG) leh Indian Oil Corporation Ltd (IOC) hotute chu September 12, 2025 tlai khan a pisaah a kâwm.

B Lalchhanzova chuan, Prime Minister-in Mualkhanga IOC hnuaia kum khata gas metric ton 30 thun theihna tur LPG Bottling Plant lungphûm a phûm chu lawmawm a tih thu a sawi a; MoPNG leh IOC hotute chu hna ṭha taka thawh a nih theih nan theihtawp chhuah chhunzawm turin a chah.

Mizoramah oil depot lian tham din a nih theih nana state sorkarin hma nasa tak a lak dan sawiin Minister chuan, "A bunna tur ram ngawrh taka kan zawn hnuah IOC lam pawhin hmun hnih han tinzawn deuh an neih tawh," a ti a, ram thlang fel vat se a duh thu a sawi.

Supply Minister chuan, Sairangah rêl a lo luh takah chuan oil depot siamna kawngah nasa taka awlsamna a thlen a beisei thu a sawi a, "Mizoram Chief Minister pawhin oil depot hlawhtlinna tur hian theihtawp min chhuahpui a ni," a ti.

MoPNG director Kushagra Mittal chuan, Mizoramah oil depot din a nih theihna atan theihtawp a chhuah tur thu FCSCA Minister a hrilh a ni.