Police-in mipui hriatthiamna dil

Mizoram Police chuan thuchhuah siamin, Mizorama prime minister Narendra Modi lo zin tur avanga mipui tana harsatna an siamah mipui hriatthiamna an dil.

Mizoram Police chuan, Prime Minister rawn zin vuakvetah tluang tak leh muanawm taka hun hman a nih rualin, venhimna uluk taka kalpui a nih avanga mipui tana rokhawlhna an siamah hriatthiamna an dil tih an tarlang a "Lirthei tlân dan chungchang leh ṭul pawimawh danga ruahmanna an siamte hi VVIP venhimna atana tih ngei ngei ngai a nih avangin mipui hriatthiamna kan dil tak meuh a ni," an ti.

Prime Minister chu khaw awm danin a zir loh avangin Aizawl lo lut thei lo mah se, venhimna leh ruahmanna hrang hrang ṭha tak leh felfai takin kalpui a ni tih tarlangin Police chuan, "Khaw chhe hnuaiah tum angin thil kal thei lo mah se, mawhphurhna hrang hrang hlentu official zawng zawng kan chhuang em em a ni," an ti a; PM programme chu mipuite'n Zo nun ze mawi an lan chhuahtir zarah felfai leh zahawm taka hlen chhuah a nih thu tarlang.