ZMCH-in lab. ṭha chawimawina a dawng

Zoram Medical College & Hospital (ZMCH)-a Viral Reseach and Diagnostic Laboratory (VRDL) chuan Best Practices VRDL leh Award of Excellence a dawng a; India rama medical college level VRDL 127 zingah silver category-ah awmin, India ram pumah pangana a ni.

September 11-12, 2025 khan Ministry of Health & Family Welfare hnuaia Department of Health Research chuan New Delhi-ah VRDL Conclave 2025 a buatsaih. He hunah hian Mizoramin VRDL a neih chhun ZMCH VRDL chuan Best Practices VRDL leh Award of Excellence lawmman a dawng a; Union Health & Family Welfare minister Anupriya Patel hnen aṭangin ZMCH VRDL research scientist Dr Zomuanpuii leh research assiatant K Lalnunthari ten ZMCH aiawhin ward hi an dawng a ni.

Indian Council of Medical Research (ICMR), New Delhi bultumin medical college level VRDL-te hi research, diagnostic, training, publication leh quality assurance-te hmangin endik a ni a; ZMCH VRDL hian endiknaah 80% hmuin, medical college level-ah silver category a ni a, India ram pumah pangna a ni.

September 9, 2025 khan Sikkim-ah annual metting neih niin, ZMCH Department of Microbiology hian Surveillance in Foodborne Diseases In Northeast huangah Best Outbreak Investigations award an dawng a; National VRDL Conclave 2024 khan Best Teamwork award an lo dawng tawh bawk.

India ramah VRDL 164 - regional level laboratories 10, state level laboratories 27 leh medical college level laboratories 127 a awm mek a; ZMCH VRDL hi kum 2021 khan din niin, ZMCH-a Department of Microbiology-in VRDL hi an enkawl. VRDL hi natna (virus) hmuh chhuah kawnga hmatheh ber a ni.