KHAWTHLIR

New Market Golden Jubilee
Trade & Commerce department hnuaia New Market Golden Jubilee Celebration Committee chuan, nimin khan New Market-ah an kum 50-na, Golden Jubilee lawmna khuhhawnna an nei. New Market Golden Jubilee lawmna hi August 5, 2015 thleng hman tur a ni.

NLUP sem
Nimin khan Champhai district chhunga NLUP hnuaia bawng vulh thlangtu mi 196 hnen­ah ṭanpuina sum Rs. 60,000 ṭheuh pek an ni. NLUP ṭanpuina hi Khuangleng leh Khawbungah sem a ni.

NERAP sawiho
National Electoral Roll Purification and Authentification Prog­ramme (NERAP) special observer, Lalhma­chhuana hoin nimin Saiha Circuit House-ah political party, tlawm­ngai pawlte leh Election department aiawhte an ṭhukhawm a, NERAP thil tumte an sawiho.

Inlan awm lo
Tripura Transit Camp-a Bru awmte Mizorama hruaikir an nih theih nana endik hna chu nimin khan Asapara Camp-ah neih ṭan a ni a, endik tura inlan an awm lo. Asapara Camp-ah hian chhungkaw 895 awmin, endik tura inlan hun atan July 16, 2015 thleng hawn a ni ang.

License fee
Mizoram sorkar chuan Mizoram chhunga oil leh gas zawngtu company-te hnen aṭangin license fee a la ṭhin a, sorkar kum kal ta thleng khan license fee aṭang hian Rs. 19,84,73,987 a hmu tawh. Oil leh gas zawn hna hi Oil India Ltd. leh ONGC-te'n an thawk mek a ni.

Lehkhabu pe
C Lalruatliana'n a lehkhabu ziah, 'Khualzinna Ram' bu hnih leh Lalbiakenga Fanai-in a lehkhabu buatsaih, 'Amazing Top 10 Facts' bu hnih MJA Public Library-a dah turin a pe. MJA chuan lehkhabu petute hnenah lawmthu an sawi.