Mizoramin sum enkawl thiam Kan mamawh: Lalduhoma

ZNP president Lal-duhoma chuan nimin khan an party office-ah thu a sawi a, "Mizoramin kan mamawh ber pakhat chu financial management thiam a ni," a ti.

Sum leh paia Mizoramin harsatna a tawh chhan chu enkawl thiam loh vang a nih thu sawiin, Lalduhoma chuan, "Financial management thiam hi Mizoramin kan mamawh ber pakhat a ni. Sorkar kal tawh leh kan hrawn mek kan enin, Zoram mipuite hian beisei rûk leh nghah an nei a ni," a ti a; mipuite'n Mizoram inlumlet tur an thlir mek niin a sawi.

Thu sawitu dang, AMC councillor Zarzoliana chuan, Mizoram sorkarin pawisa a neih loh vang leh sum awmsa pawh AMC-ah pek chhuah a nih loh avangin Congress worker zingah lungawi lo an tam hle niin a sawi.