Congress party-in báng turin phût

Mizoram Pradesh Congress Committee (MPCC) chuan thuchhuah siamin, hlêprûkna lian tham taka inhnamhnawiha puh - Union External Affairs minister Sushma Swaraj, Rajasthan chief minister Vasundhara Raje leh a fapa Dushyant Singh, MP-te chu an nihna aṭanga báng tura an phût thu an tarlang.

MPCC chuan, India rama media-te'n hleprukna nasa tak leh dan loa mimal indusakna an tarlan, ‘Lalitgate’ tia vuahah Sushma Swaraj, Vasundhara Raje leh Dushyant Singh-te chu an inhnamhnawih ngeia tarlan a nih thu an sawi a, "BJP sorkarin tun thlenga engmah a la ti lo leh hmalakna mumal a nei lo hian MPCC min barakhaih hle a ni," an ti.

Khawvel hriat thama lian corrup­lian-a sorkar laipui hruaitu lawkte an inhnamhnawiha sawi a ni chu India ram tan thil zahthlak a nih thu sawiin, Congress party chuan, "Khawvel democracy ram lian ber zahawmna a titlahniam­ah kan ngai," an ti. Sushma Swaraj, Vasundhara Raje leh a fapa Dushyant Singh-te chu vang turin an phût a ni.

MPCC chuan, Human Resource Development minister Smriti Irani-in kum 2004 leh 2014 Lok Sabha inthlanah a lehkha zirna pawl zat inang loa a tarlang chu zahpuiawm an tih thu an sawi a, "Yale University-a thil bulṭhut zirna kar khat emaw lek chhim chunga he university aṭanga degree neia a inchhál hi a department enkawl nen a inhmeh lo hle a ni," an ti.