Rêl chungchangah lâwm

ZPM Upa Committee chuan nimin khan thuchhuah siamin, Aizawl (Sairang) thlenga rêl a tlan ve ta chu lawmawm an tih thu an tarlang a, Mizoram tan hmasawnna leh remchanna thlentu tur a nih thu an sawi.

Rêl chungchangah hian ZPM Upa Committee chuan, "Mizo mipuite tan India ram hmun hrang hranga zin veivahnaah te, thlai thar hralhna leh lak luhah te, bungraw chi hrang hrang awlsam leh man tlawm zawka lak luh leh thawn chhuahahte nasa takin a tiawlsam tawh dawn a, Mizo nula tlangvalte tan hna thawh tur tam tak a siam dawn bawk a ni," an ti."Mizoram tan hmasawnna nasa tak thlentu leh rel a lo luh theihna tura hma latu Central sorkar leh chief minister Lalduhoma kaihhruai Mizoram sorkar chungah thinlung takin lawmthu kan sawi a ni," an ti bawk.