Serchhipah Intensified IEC Campaign

Mizoram State AIDS Control Society leh Serchhip District AIDS Control Committee huaihawtin nimin khan Sub-Headquarters YMA Hall-ah Intensified IEC Campaign thawh hnihna neih a ni a, bawrhsap Paul L Khuma'n a hawng. Mizorama HIV vei tam lamah Serchhip district chu pangana a nih thu tarlan a ni.

Tarlan danin, Serchhip district-a mihring awm zat aṭanga chhûtin HIV vei (naupai chhiar tel loin) 2.2% an awm a; HIV vei zingah ruihhloa inchiu ṭhin (injecting drug user) an tam ber a, mipat hmeichhiat aṭanga kaite'n an dawt a ni.

Intensified IEC Campaign hi October thla thleng neih a ni dawn a, hemi chhung hian in tinah kalin HIV chungchang zirtirna neih a ni dawn. College leh sikulah campaign neih a nih dawn bakah, khawtlang hruaitute pualin hun hman a ni bawk ang.