KHAWTHLIR

Bihfai tihchingpen rulhtir tum
Supply minister John Rotluangliana chuan INC member R Vanlalvena zawhna ziaka chhangin, Supply department storekeeper, buhfai tihchingpen vanga an pawisa báte chu chak zawka an bá rulh zawhtir tura hmalak mek a nih thu a tarlang.

Theihai hralhna
Lawngtlai DHO Lalhmingmawia Pachuau chuan, Chawntlangpui khaw mite theihai thar man man zawka Aizawla hralh theih dan tur a ngaihtuahpui. A bul tan nan nimin khan theihai pum 3,000 chu pick up-in Aizawlah an rawn thawn a ni.

Zirna sawiho
India rama zirna kalphung thar duan tur, 'New Education Policy' chungchanga state hrang hranga inràwn khawmna kal zelah nimin khan Champhaia School Education office conference hall-ah inràwn khawmna neih a ni.

Zirtirtute training
SSA Block Resource Centre, Aizawl East leh CARE, World Vision India-te chuan Chhinga Venga BRC training hall-ah primary school leh middle school headmaster leh zirtirtute tan training an buatsaih a, July 10, 2015 thleng a awh ang.

Zinna senso
INC member Lalrinliana Sailo zawhna chhangin Planning minister Lalsawta chuan, kum 2010 aṭanga tun thlengin Planning Board aṭanga foreign zinna senso atan Rs. 1,53,055 sen a nih tawh thu House a hrilh. China-a Planning Board member secretary PL Thanga zinna senso a ni.

Chhawrtui - Rullam kawng zawh hun
MNF member Lalrinawma zawhna chhangin PWD changtu, chief minister Lal Thanhawla chuan, Chhawrtui - Rullam kawng black top hna thawh mek zawh hun tura ruahman hmasa ni 15.12.2014 chu ni 15.12.2015 thlenga pawhsei a nih thu House a hrilh.