Mar luiah pafa tla hlum

Marpara-a missionary H Lalsangzuala leh a fanu Lalnunhlui (12), Phuldungsei te chu nimin zing dar 6:30 vel khan Mar luiah an chesual a, an tla hlum.

Thu dawn danin, H Lalsangzuala hi UPC (NEI) missionary niin, Marpara-a awm thar a ni a; nimin zing khan chhungkaw mamawh lam turin Marpara North, Lunglei district-ah bazar turin a fanu nen an kal. An chuanna lawngléng chu luiah a khaikhup a; mi dang chuang vete chu an insaseng bakah chhanchhuah hman an ni.

Lalnunhlui ruang chu nimin chawhma dar 10 vel khan hmuh a ni a, H Lalsangzuala ruang erawh he thu ziah lai thleng hian hmuh a la ni lo.