Health Minister-in thingtlanga doctor Thawk duhte bengvar turin a ngen

Health minister Lal Thanzara chuan, nimin Assembly session-ah National Health Mission (NHM) hnuaia thawk duh tur doctor hriatte chu health department lam mite bengvar turin House member-te a ngen.

INC member Vanlalawmpuii Chawngthu zawhna kal zelah Health Minister chuan, doctor indaih lohna vangin hmun tam takah doctor dah theih an nih loh thu a sawi a, "Aizawlah doctor an tam kan tih ṭhin pawh hi an tam lo. Aizawlah chuan doctor mamawhna a sang a, an indaih chuang lo," a ti.

MNF member Lalruatkima'n Marpara damdawi-inah thawktu pakhatmah an awm loh thu a sawi chungchangah Lal Thanzara chuan, "He PHC-ah hian sorkar leh Synod Hospital an thawk dun ṭhin a, eng emaw harsatna avangin kan thawk dun thei ta lo," a ti a, Marapara PHC-ah hian sorkarin ngaihtuahna thar a hman mek thu a sawi.