Food Security Act. rules pharh a ni

Food Civil Supply & Consumers Affairs (FCSCA) minister John Rotluangliana chuan nimin khan Assembly House-ah 'The Mizoram Food Security Act, 2015' a pharh.

John Rotluangliana chuan, Food Security Act chu state ṭhenkhatah hman a nih tawh thu sawiin, "Opposition lam aṭangin hmang vat tura nawrna awm mah se, ram tana ṭha lo tura kan ngaih avangin kan hmang mai duh lo. Tunah chuan hman loh theih a nih tâk loh avangin October 2015 tîrah kan hmang ang," a ti.

FCSCA Minister sawi danin, Food Security hian Mizoramah mi 7,60,000 a huam dawn a, hei hi khawpuia mihring 48.60% leh thingtlanga mihring 81.88% a ni. FSA-in a huam lohte buhfai lei tur chu tuna ration rate ang thoin sorkarin a ngaihtuahsak dawn a ni.