World of Work zirhona buatsaih

National Council of Educational Research and Training (NCERT) hnuaia Performance Assessment, Review, and Analysis of Knowledge for Holistic Development (PARAKH), State Council of Educational Research and Training leh Samagra Shiksha, Mizoram chuan nimin khan PM Shri School zinga mi MICE-ah World of Work zirhona an buatsaih.

Ni hnih awh tur Workshop on World of Work hawnna inkhawm hi MICE principal Lalrinkima'n a kaihruai a; khuallian SCERT director Caroline Zoramthangi chuan, zirlaite chu zirhona hmang ṭangkai tur leh zawhna a tam thei ang ber zawt turin a chah. NCERT, Delhi aṭanga resource person pahnih telte'n thil pawimawhte an zirtir a ni.

World of Work hi NEP 2020 zûlzuia pawl 9 leh 10 zirlaite kut themthiamna lam (skill development leh vocational education)-a hma an sawn theihna tura buatsaih a ni a; state leh union territory tinah kalpui tura tih a ni.

Zirhona hi zirlaite hnena hnam tih dan phung leh hnam dangtge tih dan ṭha hmanga kut themthiamna lam inzirtir te, Ministry of Skill Development hnuaia job sector 36 awm kawhhmuh te, artificial intelligence ṭangkaina zirlaite zirtirna atana buatsaih a ni a; workshop chhungin zirlaite chu a tam thei ang ber thil sawihopui bakah, a taka thil tihpui tum a ni.