Mizo duhsak turin sorkar ngen

Mizoram Computer Dealers Association (MiCDA) chuan nimin khan thuchhuah siamin, Mizoram sorkar hnuaiah limited/restricted tender hmanga hnam dang duhsak bikna a tam niin an tarlang a; Mizote duhsak turin sorkar an ngen.

MiCDA chuan, "Mizoram sorkar hnuaia department hrang hrangah hna ruak/supply awm ṭhinahte a ram leilung fate tih ve theih a nih reng laia hnam dang supplier-te duhsak zawk an ni ṭhin hi hriatthiam har kan ti a, kan sorkar hian Mizo sumdawngte tan remchanna tam zawk min siamsak a, min duhsak turin kan ngen tak meuh a ni," an ti.