Damdawi-in fai thlanna 'Kayakalp' zirho

Health department chuan nimin khan Tourist Lodge, Chaltlangah 'Kayakalp' zirhona buatsaih a ni a, Health principal director Dr K Ropari'n a hmanpui. kayakalp hi sorkar laipuiin damdawi-in fai zawk neih a nih theihna tura inelna a duan thar a ni.

Dr K Ropari chuan, Swach Bharat Abhyan hnuaiah 'Kayakalp' chu sorkar damdawi-inte faina kawnga hma an sawn theihna tur a ni tih sawiin, district hospital-te chu fai ber lawmman dawng thei tura ṭan la turin a chah. National Health Mission director Dr K Lalbiakzuala, Kayakalp State Level Award Committee-a chairman ni bawkin Kayakalp kalhmang leh endik dan turte a sawifiah.

Kayakalp hnuaiah hian kumin 2015-16 chhungin district hospital tinte endik an ni dawn a, tehna hrang hranga 70% hmu tling zinga ti ṭha ber hnenah October 2, 2015-ah lawmman Rs. 50,00,000 hlan a ni ang a, pahnihnain Rs. 3,00,000 an dawng ang.